كانون نار مش تقيلدي
مش مجرد كانون نار بالمرة هاي القصة جزء
من ذاكرة الطفولة ... اول علاقة صداقة والفة ومحبة عشتها كانت علاقتي بدار جيرانا عمي
ابو حكمت (طبعا بعد ما كبرت وصار عمري 5 سنين فهمت انه عمي ابو حكمت بيقربلنا وابوي
بيكون ابن خاله ) ... كانوا دار عمي ابو حكمت جزء من قصتي ويومياتي عشت تفاصيلها بمحبة
وعشتها على طريقتي وسجتي وما اضطريت اغير من شخصيتي كنت انا سمر الشقية الشيطانة الي
بتهرب من العقاب على دار الجيران وتتخبا هناك ...
كنت انا سمر الي لما تجيب علامة عالية تروح
عند عمها ابو حكمت عشان تاخذ الهدية ... كيف ممكن يكون ارتباطك بشخص تعودت تشوفه كل
يوم تحكي معاه مش شرط القرابة الي بتقربك من الناس مرات الاصالة هي الي بتفرض عليك
محبة الناس الي حوليك .. هداك البيت بشجره وتفاصيلة مطبوع بذاكرتي ... من يوم ما كنت
اروح العب وازعج واخرب واغلب لاخر يوم استضافنا هداك البيت انا واهلي قبل ما الجيش
الاحتلال يهدم دارنا ...
تركت الحارة بكل تفاصيلها وانا عمري 12
سنة بس عمرها ما غبت لحظة عن بالي شغلة وحدة ما تغيرت فيي تجاه هداك المكان هو احساسي
نفسه لما اروح ازور دار عمي ابو حكمت بحس انه هناك في الي اصدقاء وعمام واهل وحتى احفاد
عمي ابو حكمت وخالتي ام حكمت بحس انه ولاد عمامي ...
سمر عزريل
25 /2 /2013
هذه الذكريات البسيطة الجميلة تدوم .. كانت الاحلام بسيطة تختصر وتتحقق عند ابو حكمت ! يمكن اجيال اليوم هالزمن مش حيمنحهم ابو حكمت متلك .. تحياتي :)
ردحذف