الثلاثاء، 27 نوفمبر، 2012

لما العلم لمني


يا بويا لو لمني الصبر في حضنه 
عمرو ما يقدر يمحي من عروقي الالم
كل الي كان في نفسي اني اصبح حر
واخرج على العالم بملامحي الي كرهت العدم
على غفلة دبحوني وقالوا اني مش محترم
 ودمي في رقاب العسكر
يا بويا وجعي في صدري احتدم ...
 انا الي شفت الحرية في يناير بترتسم
ضحكة اسوانية بريحة النيل لما يحضن اسكندرية
 ... والموج الي لاعب احلامي عمروا رصاص الظلم ما يقدر يفقوا من صحوتو ...
كنت عايز افضل احلم واحلم
لحد ما اشوف العلم بيلفني ويلف اخوي الي اتظلم
 ... سامحني يابويا حلمي اتهدم
... لكن ولاتهدم ازاي يتهدم
 وانا الي صورتي في وش الف زي لسا شايلن هم العلم
 ... شايلن مصر ونيلها في قلبهم زي ما تكون اول صبية يعشقوها
... ازاي لشمعة تنطفي
 مدام  الثورة في قلبهم بتحمل زمن وزمن
 فيه الجبان والخيان لازم يتعدم  
... يا بويا لسا شايل في قلبي لمصر تحية ونسمة وحلم حرية
 ... مهما ابعدت او غبت
رح افضل قريب مدام شهيد مصر كنت
ودفاني وحضني ولفني العلم
شفت الدفى فيه وعينين اخوي رايحة ليه
مش لفني في ماسيبرو و عماد عفت التف فيه
ازاي ما فرحش وانا واخوي اتوحدنا فيه
عمرو الرصاص ما يقدر يغطي الحرية
الى كتبها خالد سعيد ضحكة شقية
هو انا لو سكت على الظلم
عمري ما نلت الشهادة ولا انكتب لمصر الولاة
مصر امي الولادة
وانا ابنها الى في عينيه رسم كل يوم شكل للشهادة
يا دنيا دوري ولفي
عمر الحقيقة ما تضيع فيه وفيا
ووصفني ووصفي بس انا حبيت  ومصر وصفي


* الى كل شهداء الثورة المصرية